Шмат карыстальнікаў эскалатараў ужывае гэтыя шчоткі, каб пачысціць з іх дапамогай свой абутак. Але гэтая небяспечная звычка ніяк не адпавядае сапраўднаму прызначэнню шчотак, расказвае dompelenpomyslow.pl.
Насамрэч функцыя шчотак нашмат важнейшая, бо яны адказваюць за нашу бяспеку. Шчоткі дапамагаюць абараняць ад пашкоджанняў механізм эскалатара, які можа ў выпадку паломкі стаць вельмі небяспечным. Такую паломку могуць выклікаць тэлефон ці грошы, калі яны ўпадуць у шчыліну паміж эскалатарам і поручнем, таксама ў гэтую шчыліну могуць трапіць прадметы адзення — напрыклад, шнуркі. Але праз наяўнасць шчотак мы не набліжаемся да шчыліны і застаёмся ў бяспецы.