У сваім віншавальным лісце Зяленскі заявіў пра народы, якія аб'ядналіся 160 гадоў таму супраць расійскага імперыялізму, але не згадаў сярод іх беларусаў.

«160 гадоў таму нашы народы аб'ядналі свае сілы, устаўшы плячом да пляча супраць расійскага імперыялізму. Студзеньскае паўстанне паскорыла нацыянальнае адраджэнне і вызваленчы рух на тэрыторыі сучаснай Украіны, Польшчы і Літвы», — напісаў прэзідэнт Украіны.

Не было ў Зяленскага згадак пра Беларусь і беларусаў у апісанні сучаснага моманту.

«Дакладна гэтак жа сама сёння аб'ядналіся Украіна, Польшча і Літва, выступаючы супраць злачыннай расійскай агрэсіі, якая, напаўшы на Украіну, кінула выклік бяспецы ўсёй Еўропы і свету», — напісаў Зяленскі.

У той жа час прэзідэнт Польшчы Анджэй Дуда заявіў, што верыць, што свабода і воля да самавызначэння возьмуць верх і ў Беларусі.

На мерапрыемстве таксама прысутнічаў і прэзідэнт Літвы Гітанас Наўседа. Пасля ўрачыстай часткі Дуда і Наўседа сустрэліся са Святланай Ціханоўскай.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

8
AlexxelA / Адказаць
24.01.2023
"Студзеньскае паўстанне паскорыла нацыянальнае адраджэнне і вызваленчы рух на тэрыторыі сучаснай Украіны, Польшчы і Літвы" - на тэрыторыі Ўкраіны..? Хіба? Тамака яно прайшло толькі бокам і на ўскрайку, у адрозненне ад Польшчы, Беларусі і Летувы. І казаць, што яно паўплывала нейкім чынам на вызваленчы рух і нац. адраджэнне для сучаснай Украіны - па-мойму гэта нацягванне савы на глобус.
16
Крывадушнік зяленскі / Адказаць
24.01.2023
А колькі кропак паўстання было на Ўкраіне? Мо дзьве ці тры і тыя на захадзе па блізу Беларусі. Украіна амаль не прымала ўдзелу, а хутчэй наадварот заставалася вернай Імператару. Ну што сказаць тут? Дарма вы хлопчыкі з палка Каліноўскага кладзеце жыцці, ўкраінцы неўдзячны народ.
51
Жыве / Адказаць
24.01.2023
Он свой народ поздравляю,будет Беларусь в составе Украины поздравит и беларусов. Вопрос почему в Беларуси узурпатор ,которому нет дело до тех кто проливал кровь за свободу страны, не вспоминает национального героя.
Паказаць усе каментары/ 44 /
Каб пакінуць каментар, калі ласка, актывуйце JavaScript у наладах свайго браўзеру