Фота: Мотавелазавод
Дагэтуль Манько працаваў на Асіповіцкім заводзе аўтамабільных агрэгатаў намеснікам дырэктара па маркетынгу і камерцыйных пытаннях. Яму 36 год.
Ладуцька страціў пасаду пасля разносу Лукашэнкі — падчас візіту палітыка на завод яму прадэманстравалі матацыкл «свайго дызайну», які аказаўся французскім матацыклам, сабраным у Кітаі.
Лукашэнка тады заявіў, што хоча прызначыць на мотавелазавод маладога гендырэктара, а для Мікалая Ладуцькі знайсці новую пасаду.
Мікалай Ладуцька і Аляксандр Лукашэнка. Фота: CTV News
«Трэба шукаць маладога хуткага дырэктара. А яму знайсці пенсійную пасаду, але таксама хамут на шыю. Слухай, няўжо ты не разумееш, у чым прычына тут.
Прычына ў тым, што тут павольна варушыцеся. А ён [Ладуцька] ужо не можа і не хоча. Ну навошта яму?» — заявіў Лукашэнка.
Не ўратавала нават відэа, дзе Ладуцька, публічна прыніжаючыся, казаў, што крытыка Лукашэнкі гэта «не крытыка, а бацькоўскае слова».
Мікалай Ладуцька ўзначальвае мотавелазавод з 2015 года, а да таго з 2009-га па 2014-ты быў старшынёй Мінскага гарвыканкама. Цяпер яму 63 гады, ён амаль на 5 гадоў маладзейшы за Лукашэнку.
Пасля разносу Лукашэнкі матацыкл «Мінск» удалося лакалізаваць на чвэрць. Качанава для гэтага збірае нарады
