У 2014 годзе Аму Хаджы расказаў журналістам выдання Tehran Times, што перажыў «эмацыйныя няўдачы ў маладосці», праз што адмовіўся мыцца. Мужчына жыў у шлакаблочнай халупе і не мыўся з вадой і мылам больш за 60 гадоў.
Хаджы еў збітых на дарозе жывёл, піў нясвежую ваду, курыў люльку, напоўненую экскрэментамі, і лічыў, што мыццё зробіць яго хворым.
Фота: AFP
На фотаздымках бачна, што цела Аму Хаджы было пакрыта сажай.
У мужчыны не было сям'і, але аднавяскоўцы імкнуліся клапаціцца пра яго. Некалькі месяцаў таму яны ўгаварылі Аму ўпершыню за 60 гадоў памыцца, а 23 кастрычніка мужчына памёр.
Нядаўна мужчыну ўгаварылі прыняць душ упершыню за 60 гадоў
Пасля смерці Хаджы неафіцыйным «рэкардмэнам» у ягонай намінацыі можа стаць Кайлаш «Калаў» Сінгх з Індыі, які таксама не мыўся больш за 30 гадоў.
