Нагадаем, што Шайгу патэлефанаваў як мінімум траім міністрам абароны дзяржаў НАТА і расказаў пра так званую ўкраінскую «брудную бомбу». Яе нібыта ўзарвуць, каб абвінаваціць Расію ў выкарыстанні зброі масавага паражэння і настроіць увесь свет супраць Масквы.
Прадстаўнікі ЗША, Вялікабрытаніі і Украіны катэгарычна адмаўлялі і асудзілі абвінавачанні Шайгу, а міністр абароны ЗША Осцін патэлефанаваў свайму брытанскаму калегу пасля размовы з расійскім.
ISW мяркуе, што заявы Шайгу наўрад ці прадказваюць ядзерны тэракт па Украіне. Яны з'яўляюцца працягам працяглай хлуслівай расійскай інфармацыйнай кампаніі.
Прэзідэнт Украіны Уладзімір Зяленскі адрэагаваў на тэлефонныя званкі Сяргея Шайгу. Ён лічыць, што свет павінен максімальна жорстка адрэагаваць: «Калі Расія падрыхтавала чарговае ўзняцце ставак і чарговы эскалацыйны крок — яна ўжо цяпер, прэвентыўна і да любога новага свайго «бруду», павінна ўбачыць, што свет гэта не праглыне».
Глядзіце таксама:
Масква распаўсюджвае хлуслівыя звесткі, што Украіна рыхтуе ўдар «бруднай» ядзернай бомбай
«Расейцы часта абвінавачваюць іншых у тым, што плануюць самі». Украінскія ўлады адрэагавалі на словы Шайгу пра «брудную бомбу»
