Жонка Гіркіна Міраслава Рагінская апублікавала іх сумеснае фота, дзе сепаратыст апрануты ў вайсковую форму. Яна дадала, з ім усё добра і ён хутка выйдзе на сувязь.
Пасля гэтага ўкраінскі актывіст Сяргей Сцярненка напісаў, што дасць з асабістых зберажэнняў 10 тысяч даляраў таму, хто возьме Гіркіна ў палон.
Да Сцярненкі далучыліся лідар гурта «Антітіла» Тарас Таполя, вайсковец і пісьменнік Валерый Маркус, тэнісіст Сяргей Стахоўскі і старшыня Луганскай абладміністрацыі Сяргей Гайдай — кожны таксама па 10 тысяч даляраў.
Такім чынам, па стане на ранак нядзелі за жывога палоннага Гіркіна абяцаюць 50 тысяч даляраў.
«Адчуваю, што нам у багажніку яго могуць прывезці бураты», — падсумаваў Сцярненка.
29
0
34
1
1
2
