Вадзім Крук. Фота: сацсеткі
На апублікаваным ГУБАЗіК відэа мужчына зубачысткай цягам паўхвіліны зацірае бела-чырвона-белы сцяг на карціне. Таксама ён кажа, што «адміністраваў дваровы чат» і «ўдзельнічаў у пратэсце».
Скрыншот з відэа: Вадзіма змусілі зубачысткай здзіраць беларускі сцяг на карціне
Затрыманым аказаўся Вадзім Крук — 34-гадовы інжынер па ахове інфармацыі з Мінска.
На апублікаваным відэа лукашысты пытаюць у Вадзіма, колькі ён зарабляе. Ëн кажа, што меў «зарплату чатыры тысячы рублёў». Гэта часты момант на відэа ГУБАЗіКа: сілавікі вымушаюць арыштаваных казаць, колькі яны зарабляюць. Магчыма, для іх гэта важны момант, бо яны самі робяць сваю справу выключна дзеля грошай і ім незразумела, чаму арыштаваныя «з жыру шалеюць», маючы такія высокія даходы.
