Сярод знакавых беларускіх палітвязняў — Марыя Калеснікава, паплечніца Святланы Ціханоўскай і Віктара Бабарыкі. Фота AP via Sputnik

Раней за гэтую тэму адказвала ініцыятыва Юрыя Васкрасенскага. Наколькі стала вядома «Нашай Ніве», цяпер яны прапануюць амністыю для асуджаных па выніках падзей 2020-га года ў фармулёўцы «за выключэннем асуджаных па экстрэмісцкіх артыкулах, а таксама уключаных у спіс асоб, якія маюць дачыненне да тэрарыстычнай дзейнасці».

Якія ж артыкулы там называюць «экстрэмісцкімі»? Ад асоб з кола Юрыя Васкрасенскага «Нашай Ніве» стала вядома, што ў іх ініцыятыве як такія разглядаюць наступныя артыкулы: заклікі да незаконнага захопу ўлады, гвалтоўнага змянення канстытуцыйнага ладу, публічнае апраўданне тэрарызму, гвалт у дачыненні да службовых асоб, распаўсюджванне персанальных даных, публічныя заклікі да санкцый, распраў, падпалаў, гвалту і ажыццяўленне падобных актаў.

Выглядае, што ў выпадку такога падзелу на свабодзе не выйдуць палечніца Святланы Ціханоўскай і Віктара Бабарыкі Марыя Калеснікава, блогер Сяргей Ціханоўскі, палітык Мікола Статкевіч ды іншыя вядомыя лідары руху за свабодныя выбары. Зрэшты, не выключана, што пытанне маштабу амністыі яшчэ рашаецца.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Мойша / Адказаць
06.09.2022
Ну мабыць вызваляць самых знявечаных і хворых, а астатніх пакінуць, разлічваць на літасць марна.
1
даведка / Адказаць
06.09.2022
Амнистии обычно не применяют в отношении осужденных по тяжким и особо тяжким статьям, а это все из них.
0
антисвета / Адказаць
06.09.2022
спадарства, чаму вы адразу думаеце, што вызваляць палітычных? рэпрэсіі не спыняюцца. таму могуць вызваліць непалітычных, каб асвабадзіць месца ў турмах пад чарговыя пасадкі палітычных.
такія ліхія часы, што на добрае думаць не выпадае (
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру