Гэтае і наступныя фота: pixabay.com
Авакада — крыніца вітамінаў Е, С і К, вітамінаў групы В, яно багатае на клятчатку, кальцый, фосфар і калій.
У костцы авакада таксама хапае карысных рэчываў: там шмат вітамінаў А і Е, клятчаткі, і нават больш карысных антыаксідантаў, чым у мякаці авакада.
Вось чаму косткі таксама варта выкарыстоўваць.
Дадавайце яе да розных страў
Можна лёгка разнастаіць свой рацыён, калі здрабніць костку авакада ў кавамолцы ці на дробнай тарцы. Але ж перад гэтым пакіньце костку на 2—3 дні на сонцы, каб яна падсохла і яе было лягчэй апрацаваць, і не забудзьцеся зняць з косткі карычневую абалонку.
Здрабнёную костку дадавайце па дробцы (бо яна гарчыць) у кашы, іншыя гарачыя стравы ці гароднінныя кактэйлі. Такім чынам вы атрымаеце дадатковую дозу карысных рэчываў.
Зрабіце з яе чай
З сушаных костак авакада можна заварваць чай. Падсушыце іх на сонцы і аблупіце з косткі карычневую абалонку. Потым парэжце яе на кавалкі ці патрыце на тарцы. Заліце кіпнем — праз 5 хвілін гарбата будзе гатовая.
Костка будзе надаваць гарбаце трохі гаркавы прысмак, таму можна падсаладзіць яе мёдам. Цёртыя костачкі авакада для гарбаты можна захоўваць у вялікай колькасці ў шчыльна закрытым слоіку ці бляшанцы.
Выкарыстоўвайце косткі авакада для хатняга пілінгу
Скраб з авакада вельмі просты ў прыгатаванні, ды яшчэ і цалкам натуральны. Пачынаем як звычайна: дастаньце з авакада костку, падсушыце яе на сонцы і здыміце косткі карычневую абалонку. Далей здрабніце костку ў кавамолцы і дадайце ў любімы касметычны алей, маску або крэм. У вас выйдзе скраб, які трэба кругавымі рухамі ўцерці ў скуру, а потым змыць цёплай вадой.
Пілінг дапамагае выдаляць адмерлыя клеткі скуры і паляпшае засваенне карысных рэчываў. Калі рабіць гэтую працэдуру рэгулярна, скура будзе лепш аднаўляцца, стане гладкай і далікатнай.
Вырабіце з костак авакада раствор для паласкання валасоў
Прапорцыі наступныя: адна костка на 500 мілілітраў вады. Варыце костку ў вадзе на працягу гадзіны ў закрытай каструлі, потым астудзіце вадкасць. Памыйце галаву звычайным шампунем, змыйце яго чыстай вадой, а потым прамыйце валасы вадкасцю з авакада. Калі ў вас доўгія валасы, можна нават на некалькі рабіць хвілін ванначкі для іх з гэтай вадкасцю.
Фота: homesteadandchill.com
Вырасціце ўласнае авакада
Для гэтага вам спатрэбіцца костка ад авакада, тры зубачысткі і слоік з вадой. Устаўце зубачысткі перпендыкулярна ў костку пасярэдзіне яе вышыні, іншыя канцы зубачыстак павінны знаходзіцца ўверсе слоіка. Палова косткі павінна быць пад вадой, а зубачысткі мусяць дапамагчы трымаць іншую палову косткі над воднай паверхняй. Мяняйце ваду раз на дзень. Праз 6—8 тыдняў маладая расліна пусціць лісце — пасля гэтага перанясіце яе ў гаршчок з падрыхтаванай глебай для авакада.
Пафарбуйце з дапамогай косткі сваё адзенне
Закіпяціце ў стальной каструлі ваду і пакладзіце туды некалькі костак, можаце не здымаць з іх абалонкі. Варыце косткі на працягу 20—60 хвілін, пакуль вада не набудзе чырвона-ружовы колер. Замачыце ў вадзе белае адзенне, якое хочаце пафарбаваць, і пастаянна перамешвайце ваду, каб адзенне раўнамерна афарбавалася. Вынік будзе залежаць ад тыпу тканіны, колькасці ўжытых костак і ад таго, як доўга вы будзеце замочваць адзенне — у сярэднім на гэта спатрэбіцца не менш за гадзіну.
Чытайце таксама:
Пакладзіце крэйду ў халадзільнік і пабачыце, што здарыцца. Вы не пашкадуеце
Заўважылі на твары дзіўныя змены? Гэта можа быць праява раку лёгкіх
