Больш за 10 тысяч католікаў выйшла 29 мая на вуліцы Мінска, каб прайсці ў працэсіі Божага Цела. Дарослыя, моладзь і дзеці прайшлі ад касцёла Найсвяцейшай Тройцы (св. Роха) на Залатой Горцы да архікатэдры Імя Найсвяцейшай Панны Марыі ўрачыстай працэсіяй, праслаўляючы Бога ў Найсвяцейшым Сакрамэнце.

Тут і ніжэй фота Аляксандры Шчыглінскай

Тут і ніжэй фота Аляксандры Шчыглінскай

Працэсія Божага Цела стала ўжо традыцыйнай для Мінска, аднак, як і раней, кожны год збірае вялікую колькасць вернікаў не толькі са сталіцы, але і з іншых гарадоў. Сёлетняя працэсія — адна з самых маштабных.

Эўхарыстычнае набажэнства пачалося святой Імшой ля касцёла св. Роха, якую цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч.

«Чарговы раз Божы Провід дазваляе нам адзначаць урачыстасць Найсвяцейшага Цела і Крыві Хрыста, якую традыцыйна мы называем святам Божага Цела. Знаходзячыся ў Святой Эўхарыстыі, Езус выходзіць па-за межы касцёлаў і капліц, каб быць бліжэй да чалавека, да месца яго працы, адпачынку і прабывання», — заўважыў Мітрапаліт Тадэвуш Кандрусевіч у гаміліі.

31 мая іерарх будзе адзначаць 35-ю гадавіну свайго прэзбітэрскага пасвячэння. Таму ў гаміліі арцыпастыр дзякаваў усім святарам і людзям добрай волі за падтрымку і прасіў аб малітве ў яго інтэнцыі.

«Сёння дзякую Богу за дар святарства і 35 гадоў святарскага служэння. Дзякую за тое, што ўжо тры з паловай дзесяцігоддзі Ён дазваляе мне кожны дзень падымаць кансэкраваную Гостыю, як дар для мяне самога і для людзей, якім я служыў у Літве, Беларусі, Расіі і ізноў служу ў Беларусі. Дзякуючы сакрамэнту святарства патрэбная для збаўлення Божая ласка прыходзіць да людзей», — сказаў Мітрапаліт Тадэвуш Кандрусевіч.

Пасля Імшы працэсія вырушыла па вуліцах Мінска. Езус у Найсвяцейшым Сакрамэнце спыняўся на чатырох алтарах у розных месцах сталіцы.

Пасля Імшы працэсія вырушыла па вуліцах Мінска. Езус у Найсвяцейшым Сакрамэнце спыняўся на чатырох алтарах у розных месцах сталіцы.

Першым прыпынкам працэсіі стаў алтар на плошчы Перамогі. Тут, каля абеліска, успомніўшы прыклад еднасці розных народаў падчас Вялікай Айчыннай вайны, католікі памаліліся аб дары еднасці для ўсіх людзей у сучасным свеце.

Першым прыпынкам працэсіі стаў алтар на плошчы Перамогі. Тут, каля абеліска, успомніўшы прыклад еднасці розных народаў падчас Вялікай Айчыннай вайны, католікі памаліліся аб дары еднасці для ўсіх людзей у сучасным свеце.

Затым вернікі накіраваліся на Кастрычніцкую плошчу, на шляху да якой памаліліся аб дары Божай Міласэрнасці для ўсяго беларускага народа.

Затым вернікі накіраваліся на Кастрычніцкую плошчу, на шляху да якой памаліліся аб дары Божай Міласэрнасці для ўсяго беларускага народа.

Просячы заступніцтва Панны Марыі ў святым Ружанцы, працэсія накіравалася да Чырвонага касцёла, дзе вернікі разважалі асаблівым чынам над тым, наколькі важна пакінуць усе свае справы і прыйсці да Езуса, укрытага ў Найсвяцейшым Сакрамэнце.

Просячы заступніцтва Панны Марыі ў святым Ружанцы, працэсія накіравалася да Чырвонага касцёла, дзе вернікі разважалі асаблівым чынам над тым, наколькі важна пакінуць усе свае справы і прыйсці да Езуса, укрытага ў Найсвяцейшым Сакрамэнце.

Завяршылася працэсія Божага Цела ля апошняга алтара побач з архікатэдрай Імя Найсвяцейшай Панны Марыі.

Завяршылася працэсія Божага Цела ля апошняга алтара побач з архікатэдрай Імя Найсвяцейшай Панны Марыі.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?