Намесніца міністра замежных справаў узяла ўдзел у сустрэчы кіраўнікоў МЗС краін Усходняга партнёрства і Вышаградскай чацвёркі, якая прайшла ў Кракаве. Туды запрашалі міністра Макея, але паехала ягоная намесніца. Мінск прадэманстраваў такім чынам, што не моцна яму тое Усходняе партнёрства і трэба.

Як паведамляе БелТА, у сваім выступе Купчына адзначыла, што Мінск зацікаўлены ў працягненні праграматычнага супрацоўніцтва з Еўрасаюзам па лініі «Усходняга партнёрства». Пры гэтым яна звярнула ўвагу «на неабходнасць выканання базавых прынцыпаў партнёрства, такіх як роўнасць і недыскрымінацыя ўдзельнікаў».

У Кракаве Алена Купчына сустрэлася з міністрамі замежных спраў Літвы, Грузіі, а таксама з еўракамісарам па пытаннях пашырэння і еўрапейскай палітыкі суседства Штэфанам Фюле. Гаворка ішла пра перспектывы супрацоўніцтва ў рамках «Усходняга партнёрства» ды развіцця ўзаемаадносінаў Беларусі і ЕС.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?