Сірыя можа звярнуцца да Расеі з просьбай ўвесці войскі, калі ўзнікне такая неабходнасць.
Пра гэта заявіў кіраўнік МЗС краіны Валід аль-Муалем, перадае Reuters.
Пры гэтым ён адзначыў, што на дадзены момант расійскіх войскаў у Сірыі няма.
«Цяпер расійскія войскі не ўдзельнічаюць у баявых дзеяннях разам з сірыйскай арміяй. Але калі мы адчуем такую неабходнасць, мы вывучым гэтае пытанне і папросім пра гэта», — заявіў кіраўнік МЗС Сірыі.
Ён таксама паведаміў, што пакуль сірыйская армія можа змагацца самастойна, але ёй неабходна больш якаснай зброі і боепрыпасаў.
Валід аль-Муалем падкрэсліў, што на дадзены момант падтрымка РФ заключаецца толькі ў пастаўках зброі Сірыі.
Нагадаем, раней ЗША перасцераглі Расію ад магчымага ўзмацнення ваеннай прысутнасці ў Сірыі.
Перад гэтым шэраг вядучых заходніх СМІ паведамілі, што расейскія войскі ваююць на баку арміі прэзідэнта Башара Асада.
Таксама, па дадзеных аднаго з расійскіх СМІ, Расія адпраўляе сваіх вайскоўцаў у Сірыю без іх згоды.
